Nadstronski kandidat měł Budyskeho krajneho radu naslědować
Kamjenc/Budyšin (SN/at). Wo „njerunowaze“ rěči kandidat-jednotliwc za wólby Budyskeho krajneho rady Tobias Jantsch z Kamjenca, hdyž zwěsći dźěławosć tudyšeho wokrjesneho sejmika nastupajo „wotsunjenje do stronskeje politiki, preč wot wěcneje politiki“. Wot lěta 2013 wón posedźenja sejmika sćěhuje. A po tym zo dźěła tón wot 2018 w nowej zestawje, njemóže so 38lětny šef Kamjenskeho předewzaća Lavida Fitness zaćišćej wobarać, zo stronske zajimy bóle hač do toho nad dobrom wobydlerjow dominuja. Jeho narok rěka tohodla, zo dyrbi předsyda wokrjesneho sejmika, krajny rada, zaso rólu mediatora přewzać, zo bychu so rozdźělne pozicije wokrjesnych radźićelow zwjedli a wobydlerstwo lěpšinu z toho měło.