Mało spadkow a wysoke temperatury wohrožuja přirodu a wobswět
Offenbach/Drježdźany/Podstupim (SN/bn). Nalětnjej měsacaj měrc a apryl běštej po informacijach Němskeje wjedroweje słužby (DWD) w přirunanju z dołhodobnym statistiskim přerězkom jasnje přećopłej a přesuchej. W Sakskej je so mnóstwo spadkow wo něhdźe dwě třećinje znižiło, w Braniborskej samo wo něhdźe 97 procentow. Nastupajo temperatury zwěsća DWD „14. powyšenje za sobu a 4. najćopliši měrc docyła“. Wobaj faktoraj wuskutkujetej niski staw dnowneje wody kaž tež we wodźiznach, potajkim w jězorach a rěkach regiona. Wuslědk toho je wulka suchota pódy na škodu ratarstwa a zahrodnistwa kaž tež zelenišćow a lěsow na škodu flory a fawny.