Chcedźa z pjenjezami pomhać

štwórtk, 05. meje 2022
artikl hódnoćić
(0 )
Z wulkim lóštom su šulerjo z Pančičanskeje Šule Ćišinskeho na dobro kubłanišća běželi.  Foto: Milenka Rječcyna Z wulkim lóštom su šulerjo z Pančičanskeje Šule Ćišinskeho na dobro kubłanišća běželi. Foto: Milenka Rječcyna

Běh sponsorow w Pančicach-Kukowje bě wulki wuspěch. Šulerjo su z běhanjom kołow po dworje klóštra Marijina hwězda nazběrali pjenjezy na dobro šule Ćišinskeho.

Pančicy-Kukow (SN/MiR). Zaměr akcije staršiskeje přirady a kolegija šule bě, z nazběranymi pjenjezami přinošować financowanju nuznje trěbnych meblow. Tuž su dźěći 1. do 4. lětnika jednoho abo wjacorych sponsorow pytali. Někotři mějachu hač do sydom podpěraćelow.

Ze swojim běhom podpěraja šulerjo gmejnu Pančicy-Kukow, kotraž je nošerka kubłanišća. Meble, kotrež chcedźa z pjenjezami ze sponsorskeho běha kupić, trjebaja w kabineće za ručne dźěło a wuměłske kubłanje. Stary mobiliar njehodźi so hižo wužiwać, wšako su blida po wjacorych lětdźesatkach wužiwanja dodźeržane. Nakup noweho mobiliara pak gmejnu po drohim saněrowanju šule financnje přežaduje.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND