Spěwace ptački popadnyć a přepytować započeli

pjatk, 06. meje 2022
artikl hódnoćić
(0 )
Při Holešowskim haće hač do kónca awgusta spěwace ptački popadnu, přepytuja, wopjeršćenja a zaso do swobody pušća.  Foto: Cornelia Kobalz Při Holešowskim haće hač do kónca awgusta spěwace ptački popadnu, přepytuja, wopjeršćenja a zaso do swobody pušća. Foto: Cornelia Kobalz

Holešow (SN/MWj). Cilpcalp, mały rokotak (Teichrohrsänger) a mnišk (Mönchsgrasmücke) běchu mjez družinami ptačkow, kotrež su fachowcy spočatk tydźenja při lětušim prěnim monitoringu populacije spěwacych ptačkow při Holešowskim haće popadnyli. 3. meje su dohromady 40 ptačkow naličili. Z toho dósta 31 prěni raz rynku wokoło nóžki. Dźewjeć ptačkow su znowa popadnyli, zdźěli Cornelia Kobalz z přirodoweje centrale Budyskeho wokrjesa.

Za tule akciju wupołoža na płoninje třoch hektarow 14 sakow na zemju a powěsnu dwaj dowysoka. Wot schadźenja słónca při šěsć kontrolnych přechodach ptački ze sakow wozmu a dokładnje ­přepytuja. Na to dóstanu rynku a móža zaso do swobody. Popadnu-li tele ptački na hinašim abo samsnym městnje znowa, dóstanu ornitologojo z tym infor­macije wo wuwiću wobstatka, wo jich rozmnoženju a šansach přežiwjenja. Hač do kónca awgusta na dohromady dwa­naće terminach při Holešowskim haće saki wupołoža respektiwnje nastajeja, kaž w nowinskim zdźělenju rěka.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND