Změna na čole zarjadnistwa

srjeda, 11. meje 2022
artikl hódnoćić
(0 )
Marko Kliman dźakowaše so do wólbow Stefanej Andersej za zwólniwosć ke kandidaturje za zastojnstwo předsydy zarjadniskeho zwjazka a Měrkej Domašce za wospjetnu kandidaturu za tule funkciju (wotlěwa).  Foto: Feliks Haza Marko Kliman dźakowaše so do wólbow Stefanej Andersej za zwólniwosć ke kandidaturje za zastojnstwo předsydy zarjadniskeho zwjazka a Měrkej Domašce za wospjetnu kandidaturu za tule funkciju (wotlěwa). Foto: Feliks Haza

Stefan Anders wot awgusta předsyda zarjadniskeho zwjazka

Chrósćicy (SN/MWj). Hnydom z prěnim wólbnym přechodom bě wčera w Chróšćanskej wjacezaměrowej hali „Jednota“ jasne, zo změje zarjadniski zwjazk Při Klóšterskej wodźe wot spočatka awgusta noweho předsydu. Z wulkej wjetšinu je zhromadźizna zarjadniskeho zwjazka Stefana Andersa z Pančic-Kukowa do tohole zastojnstwa wuzwoliła. Wot 17 móžnych hłosow dósta wón 14, třo radźićeljo hłosowachu za dotalneho předsydu Měrka Domašku, kiž bě po sydomlětnym skutkowanju w tutej funkciji znowa k wólbam nastupił. Kaž Chróšćanski wjesnjanosta Marko Kliman (CDU), kiž jako zastupowacy předsyda zarjadniskeho zwjazka wólby nawjedowaše, zdźěli, je nimo Domaški a Andersa dalša wosoba požadanje wotedała, ale přepozdźe, čehoždla je hižo wobkedźbować njemóžachu.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND