Park spektakularnje wotewrili

póndźela, 16. meje 2022
artikl hódnoćić
(0 )
Z naročnymi manewrami zahajichu skaterojo we wobłuku wubědźowanja „Pokaž swój trik“ minjenu sobotu nowy sportowy park w Budyskej Strowotnej studni. Hosćićelej běštej towarstwje Bautzen rollt a Kamjentny dom.  Foto: Werner Lindner Z naročnymi manewrami zahajichu skaterojo we wobłuku wubědźowanja „Pokaž swój trik“ minjenu sobotu nowy sportowy park w Budyskej Strowotnej studni. Hosćićelej běštej towarstwje Bautzen rollt a Kamjentny dom. Foto: Werner Lindner

Budyšin (SN/bn). „Senftown Skatejam“ bě hesło sportoweho a takrjec ludoweho swjedźenja, z kotrymž towarstwje Kamjentny dom a Bautzen rollt nowy skaterowy park w Strowotnej studni wote­wrištej. Ducenty wólnočasnych sportowčow a sportowcow kaž tež tójšto dźěći mjez druhim z Budyšina, Drježdźan a Pirny pokazachu minjenu sobotu ně­hdźe 250 zajimcam a njeznatej ličbje „njewobdźělenych swědkow“ (Zaungäste) na spektakularne wašnje swoje kmanosće na skateboardźe, rólkačach, inlineskaterach, rolerach a (BMX-)kolesach na arealu při Wobkruhu Strowotneje studnje, za kotryž bě město Budyšin něhdźe 440 000 eurow nałožowało. Organizatorojo dźakowachu so nimo wobdźělnikam, hosćom a podpěraćelam wuraznje Němskemu Čerwjenemu křižej, kotryž pak njeměješe hač na někotružkuli mjeńšu blesuru přewjele dźěła. Wo hudźbne wobrubjenje swje­dźenja postarachu so DJjej Tropical Eden a Steve Osten, nawječor wustupichu ­młoda band Fallout z Kadłobje (Goldbach) pola Biskopic, feministiska (post-) punk-skupina Adrats z Drježdźan a lokalni matadorojo Big Trunk.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND