Pomjatnej tafli swědčitej wo angažemenće Njebjelčana za serbski lud
Njebjelčicy (SN/MiR). Pódla stele wobliča Jana Skale w Njebjelčicach stejitej nětko informaciskej tafli. Na nimaj, na jednej serbsce a němsce, na dalšej pólsce a jendźelsce, je zwěčnjeny žiwjenjoběh serbskeho patriota, poeta a politikarja Jana Skale. Tón bě so w lěće 1889 w Njebjelčicach narodźił a 1945 na tragiske wašnje w pólskich Dziedzicach (Erbenfeld) žiwjenje zhubił.
