Natwar tradicionalneho kopjeńca demonstrowali

štwórtk, 09. junija 2022
artikl hódnoćić
(0 )
Po zdokonjanym dźěle zestupachu so Běłogórscy burja – stari kaž młodźi – k zhromadnemu wobrazej před natwarjeny stog.  Foto: Andrea Wolffowa Po zdokonjanym dźěle zestupachu so Běłogórscy burja – stari kaž młodźi – k zhromadnemu wobrazej před natwarjeny stog. Foto: Andrea Wolffowa

Běła Góra. Štó dźens hišće wě, kak su něhdy w Błótach syno na ćežko přistupnych łukach žnjeli a za zymu składowali? Po dwulětnej přestwace su w Běłej Górje (Byhleguhre) natwar tradicionalneho błótowskeho kopjeńca – w Błótach rěkaja tomu stog (Heuschober) – na swjatkownym kóncu tydźenja demonstrowali.

Hižo tydźeń do poprawneho wjerška su z přihotami započeli. Mužojo su chójnowe zdónki wobstarali a krosno natwarili. Wšako ma syno poł metra nad zemju być, zo móže wětřik stog derje přewětrić. Błótowski stog wobsteji z něhdźe 33 dwójnych centnarjow syna, štož wotpowěduje dźensa něhdźe 13 kulojtym walčkam.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND