Nawjes přetwarić započeli

štwórtk, 09. junija 2022
artikl hódnoćić
(0 )
Při prěnim zarywje za nowu Němčansku nawjes běchu wčera Ramona Marienfeld z wjesneje rady, wjesny předstejićer Eugeniusz Diesterheft, Frank Šiman a Karsten Schmidt (wotlěwa) pódla. Na wobrazu pobrachujetaj Thomas Kollay a wjesny radźićel Jurij Čórlich.  Foto: Andreas Kirschke Při prěnim zarywje za nowu Němčansku nawjes běchu wčera Ramona Marienfeld z wjesneje rady, wjesny předstejićer Eugeniusz Diesterheft, Frank Šiman a Karsten Schmidt (wotlěwa) pódla. Na wobrazu pobrachujetaj Thomas Kollay a wjesny radźićel Jurij Čórlich. Foto: Andreas Kirschke

Němcy (AK/SN). Wjesne srjedźišćo Němcow dóstanje w přichodnych tydźenjach nowy wonkowny napohlad. Za twarski projekt bě wčera symboliski prěni zaryw. Dohromady inwestuja 480 000 eurow. Z toho zapłaći město Wojerecy 25 procentow, tři štwórćiny dóstanu wot Swobodneho stata Sakskeje spěchowane.

Hač do kónca lěta ma wšitko dotwarjene być. „Naš zaměr je, zo so swěčkowy wobłuk prěnjeho adwentna zaso błyšći“, praji wjesny předstejićer Eugeniusz Diesterheft. Staru gratownju wohnjoweje wobory wottorhaja. Tři ležownosće dóstanu nowy přijězd. Při wjesnym swjatym křižu nastanje nowe wotpočnišćo z ławku. Tež při wjesnym zarjadnistwje maja móžnosće k sedźenju nastać. Nimo toho natwarja tam wrota, kajkež su wone za wjetše statoki na wsy z wašnjom. Informaciska tafla ma serbsce a němsce skrótka wjesne stawizny wopisać.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND