Wólby krajneju radow putace poručenje

pjatk, 10. junija 2022
artikl hódnoćić
(0 )

W Sakskej wola njedźelu nowe čoła komunalnych zarjadnistwow

Budyšin/Zhorjelc (SN/at). Njedźelne wólby krajneju radow w Hornjej Łužicy budźa zajim po cyłej Sakskej. Mějićel zastojnstwa w Budyskim wokrjesu, Michael Harig, runje tak kaž jeho kolega w Zhorjelskim wokrjesu, Bernd Lange (wobaj CDU), znowa njenastupitaj. Tu kaž tam so štyrjo kandidaća resp. třo kandidaća a jedna kandidatka požadaja, zo bychu wolerki a wolerjo jim puć na čoło wokrjesneho zarjadnistwa runali. W Budyskim wokrjesu su skoro wšitke politiske lěhwa ze swójskim kandidatom zastupjene. CDU wšitko čini, zo by zastojnstwo z Udom Wićazom zakitowała. Lěwica, SPD a Zwjazk 90/Zeleni chcedźa wólbo­kmanych z njestronjanom Alexom Theilu přeswědčić. Kamjenski předewzaćel Tobias Jantsch spyta jako kandidat-jednotliwc zwonka stronskich strukturow dowěru a wolerske křižiki nažnjeć. Wuchadźejo ze swoje sylnosće při wólbach krajneho sejma 2019 a zwjazkoweho sejma loni nastupi AfD z Frankom Peschelom.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND