Wěru zjawnje wuznawali

štwórtk, 16. junija 2022
artikl hódnoćić
(0 )
Hinak hač w zašłymaj lětomaj móžachu w serbskich katolskich wosadach dźensa swjedźeń Božeho ćěła zaso na zwučene wašnje z procesionom a družkami swjećić, kaž tule w Ralbicach.  Foto: Rafael Ledźbor Hinak hač w zašłymaj lětomaj móžachu w serbskich katolskich wosadach dźensa swjedźeń Božeho ćěła zaso na zwučene wašnje z procesionom a družkami swjećić, kaž tule w Ralbicach. Foto: Rafael Ledźbor

Po lětomaj přestawki procesiony zaso k wonkownym wołtarkam šli

Ralbicy (SN/MWj). Wysoki swjedźeń Božeho ćěła su dźensa w serbskich katolskich wosadach zaso dostojnje swjećili. Wón je nimo hód, jutrow a swjatkow sobu najwažniši cyrkwinski podawk lěta, z kotrymž kemšerjo wuznawaja, zo wěrja do Jězusa Chrystusa jako přitomneho w přežohnowanym woblatku. Hinak hač w zašłymaj lětomaj kročachu wěriwi lětsa po Božej mši zaso w dołhich procesionach z cyrkwjow k wonkownym wołtarkam, kotrež běchu na tradicionalnych městnach natwarjene. Puć k nim bě na mnohich městnach z mejkami wupyšeny, nimo toho su mjeńše družki a dalše dźěći pisane kćenja kwětkow na puć słali. Zdźěla mějachu wobydlerjo swoje domy z cyrkwinskej a ze serbskej chorhoju wupyšene. Procesiony přewodźachu zwjetša wosadni dujerjo.

wozjewjene w: Lokalka

Galerija

dalši wobraz (1) Tež w Baćonju kročeše procesion z družkami a chorhojemi před Najswjećišim k wonkownemu wołtarjej. Foto: Feliks Haza
dalši wobraz (2) Procesion w Chrósćicach ducy po Cyrkwinskej horje
Prošu přizjewće so, chceće-li komentar podać

nawěšk

nowostki LND