Šula trjeba nowe meble

srjeda, 22. junija 2022
artikl hódnoćić
(0 )
Njeswačanska zakładna šula trjeba nuznje nowe meble, dokelž někotre šulerki a někotři šulerjo hižo za ławkami dosć městna nimaja. Za to su wčera nadawk we wobjimje 3 000 eurow Berlinskej firmje přepodali.  Foto: Jan Kral Njeswačanska zakładna šula trjeba nuznje nowe meble, dokelž někotre šulerki a někotři šulerjo hižo za ławkami dosć městna nimaja. Za to su wčera nadawk we wobjimje 3 000 eurow Berlinskej firmje přepodali. Foto: Jan Kral

Njeswačidło (JK/SN). Wjesnjanosta Gerd Schuster (CDU), kotryž bu při wólbach wjesnjanosty Njeswačanskeje gmejny jako jenički kandidat z wulkej wjetšinu hłosow znowa wuzwoleny, připowědźi wčerawše posedźenje gmejnskeje rady jako mały jubilej, mjenujcy jako 30. posedźenje w tuchwilnej wólbnej dobje.

Bydlenski dom při něhdyšim ryćerkuble, kotryž bě gmejna hižo před něšto ­časom zjawnje na předań wupisała, je nětko skónčnje předaty. Na kóncu zwostachu třo zajimcy, z kotrychž so molerski mišter Kriewitz, kotryž ma swój zawod w Njeswačidle, přesadźi a dom gmejnje wotkupi. Twarjenje budźe dale jako bydlenski dom wužiwany a nowy wobsedźer ma hižo plany, jón tež ­pod aspektami pomnikoškita wobnowić a bydlenja přenajeć.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND