Ralbicy (JK/SN). Po tym zo bě zastupowacy wjesnjanosta René Wjacławk (SWZ Delany) dotalnemu a po njedawnych wólbach w zastojnstwje wopodstatnjenemu wjesnjanosće Hubertusej Ryćerjej (njewotwisny kandidat) gratulował, započa gmejnska rada Ralbicy-Róžant na zašłym posedźenju swój poměrnje wobšěrny dnjowy porjad wotdźěłać. To zmištrowachu radźićeljo zaměrnje a bjez wjetšich diskusijow.