Tři wulke muzeje města Wojerecy ćahnu wotnětka za jedyn postronk a so tak nadźijeja, wjace wopytowarjow přiwabić, zo bychu wuskutki koronoweje přestawki přewinyli.

Wojerecy (AK/SN). Za Wojerowski měšćanski muzej, za kompjuterowy muzej Konrada Zuseho a za Hórnikečansku energijowu fabriku płaći wotnětka kombinowany zastupny lisćik. Za jedyn muzej płaći wopytowar połny zastup. Za wopyt tamneju dóstanje wón stajnje euro rabata. Kombi-lisćik njeje časowje wobmjezowany. „Tak chcemy zhromadne dźěło podšmórnyć a so mjez sobu do syće splesć“, nawodnica kompjuteroweho muzeja Andrea Prittmann tele dny při předstajenju wosebiteho lisćika rozłoži.