Wuwićowy koncept móhł wobydlerjow wjazać a zhromadnosć skrućić
Chrósćicy (JK/SN). Wuwićowy koncept, kotryž chce sej Chróšćanska gmejna zdźěłać, drje wšitke generacije wužaduje, ale tež zwjazuje. Tajki koncept předwidźi, kak měli so jednotliwe wsy gmejny same abo tež w zwisku z tamnymi dale wuwić, zo bychu byli domizna tam bydlacym, ale tež přinošowali k nahladnosći a wuwiću gmejny. Tajke koncepty pomhaja tež gmejnskej radźe tworić prawe a zmysłapołne rozsudy, hdyž dźe wo inwesticije, wosebje we wobłuku infrastruktury.