Dotalny měšćanosta je tež nowy

štwórtk, 14. julija 2022
artikl hódnoćić
(0 )

Po sydom lětach skónči so 31. awgusta hamtska doba Budyskeho financneho měšćanosty dr. Roberta Böhmera. Tohodla měješe měšćanska rada na wčerawšim posedźenju wo znowa wobsadźenju funkcije rozsudźić.

Budyšin (CS/SN). Financny měšćanosta města Budyšina dr. Robert Böhmer je na dalše sydom lět do tohole zastojnstwa wuzwoleny. Na wčerawšim posedźenju měšćanskeje rady je jemu 22 wot 26 přitomnych radźićelow swój hłós dało. Dokelž so jeho hamtska doba kónc awgusta skónči, běchu městno w měrcu zjawnje wupisali. Na to je so jědnaće zajimcow přizjewiło. Kónc junija a spočatk julija su z požadarjemi rozmołwy wjedli. We wobłuku wuběranskeho procesa staj dwaj zajimcaj wotprajiłoj. Na kóncu zwosta­štaj jenož hišće dwaj. Na wčerawšim posedźenju radźićelow pak so jenož jedyn z njeju předstaji a za sebje wabješe, mjenujcy tuchwilny mějićel zastojnstwa.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND