W Rakecach wjesela so na wjetši poskitk medicinskeho zastaranja
Rakecy (JK/SN). Na spočatku minjeneho posedźenja Rakečanskeje gmejnskeje rady wjesnjanosta Swen Nowotny (CDU) radźićelow a přitomnych wo tym informowaše, zo je strowotniske srjedźišćo při Hermanečanskej dróze derje wućežene. Tučasnje tam poslednje prózdne rumy na nowu lěkarsku praksu přetwarjeja. Wot 1. oktobra budźe tam skutkować lěkarka-urologowka. Wona je přistajena lěkarka medicinskeho zastaranskeho srjedźišća (MVZ) a budźe so w Rakecach wo pacientow na tutym polu starać.