Hakle jako wuměnkar zaso pčołari

štwórtk, 28. julija 2022
artikl hódnoćić
(0 )
Hižo z časa młodosće so Werner Čornak w Hrańcy za pčołarjenje zajimuje. Tak prawje wěnować pak móže so swojemu hobbyjej hakle wot časa, jako je so na wuměnk podał.  Foto: Alfons Handrik Hižo z časa młodosće so Werner Čornak w Hrańcy za pčołarjenje zajimuje. Tak prawje wěnować pak móže so swojemu hobbyjej hakle wot časa, jako je so na wuměnk podał. Foto: Alfons Handrik

Nimo dalšich insektow su předewšěm tež pčołki za přirodu nimoměry wažne. Často sej małe stworjenčka prawje wažić njewěmy. Tohodla so w lětnjej seriji na lokalnej stronje lětsa pilnym ­pčołkam a pčołarjam wěnujemy. (8)

Kolebka hibićiweho pčołarja Wernera Čornaka steješe w Hrańcy. K małej delanskej wjesce je 66lětny wobstajnje swěru dźeržał a „bě, je a wostanje“, kaž praji, z njej kruće zwjazany. Chodźeše wottam wot 1963 hač do 10. lětnika do Worklec do šule. Hižo jako šulski hólčec dopokaza swój zajim a zwjazanosć z přirodu, štož je sej hač do dźensnišeho zachował. Hižo tehdy wón wobžarowaše, zo njebě w 1950tych lětach w Hrańcy, w susodnych Sernjanach a tež w Nowej Wjesce žanoho pčołarja. Často je so Werner ­Čornak hižo za šulski čas z w Lejpoldźe bydlacym znatym pčołarjam Jurjom Elu rozmołwjał. Wot njeho je zhonił, kak wažne pčołki su. Wón drje je jeho tež přeswědčił so sam z pčołarjenjom zaběrać. Po tym zo je 10. lětnik wuspěšnje zakónčił a swoje wukubłanje jako awtozamkar pola firmy Bloch w Kamjencu započinał, je Jurij Ela 16lětnemu Hrańčanej dwaj ­ludaj pčołkow přewostajił.

wozjewjene w: Łužica

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND