Wojerecy (AK/SN). Wojerowska bydlenjotwarska towaršnosć je w tak mjenowanym dwórnišćowym předměsće dalši kulturny pomnik ponowiła. Po dwěmaj měsacomaj twarskeho časa je bydlenski dom čo. 16 A a 16 B na Augusta Bebelowej dosaněrowany. Poslednje dźěła dočinja w tymle tydźenju. Za to je předewzaće 100 000 eurow inwestowało. Tule sumu zapłaća dospołnje ze swójskich srědkow. „Tak zaručamy wotnajerjam wysoku bydlensku kwalitu“, praji jednaćel Steffen Markgraf. Po jeho słowach su wšitke bydlenja w domje wotnajate.