Špatny połčas Sokołow w Kulowje

wutora, 16. awgusta 2022
artikl hódnoćić
(0 )
Přihoty Ralbičanskich Sokołow běža po dobyću Serbskeho supercupa dale. Mjeztym zo su dalšu přihotowansku hru w Kulowje z 1:2 přěhrali, pak móžachu Ralbičenjo test na Horach z 6:1 dobyć.  Foto: Konstantin Hrjehor Přihoty Ralbičanskich Sokołow běža po dobyću Serbskeho supercupa dale. Mjeztym zo su dalšu přihotowansku hru w Kulowje z 1:2 přěhrali, pak móžachu Ralbičenjo test na Horach z 6:1 dobyć. Foto: Konstantin Hrjehor

HZ Wóslink/Skaskow/Módro-běli

Kulow II – Sokoł Ralbicy/Hórki 2:1 (0:1)

Za Kulow zasadźeni: Peschel – Elstner, Jorsch, Šefer, Fiebig, Bulmann, R. Lange, Róbl, E. Langa, Tamke, Woko, P. Grofa, Pawlik

Za Ralbicy zasadźeni: Ch. Gloxyn – Matka, Rachel, Schultz, Šewc, Wałda, Hrjehor, Zimmermann, D. Gloxyn, Nuk, Kobalc, Kunze, Měrš

Minjenu srjedu nastupichu Sokoljo pola rezerwy w Kulowje. Trenarjej hosći Christophej Gloxynej njestejachu wšelakorych přičin dla tójšto hrajerjow k dispo­ziciji. Najebać to pak chcychu ­Ralbičenjo tež při tropiskich temperaturach spomóžnu kopańcu pokazać. To so w prěnim połčasu tež dosć derje poradźi. Toni Nuk docpě w 20. mjeńšinje nawjedowanje. Samsny hrajer by dyrbjał tež na 2:0 (23.) zwyšić, tola před wrotami zaprajichu jemu čuwy. Po 35 min. dyrbjachu Alexandera Wałdu wuměnić. Nadobo so Sokołam wjace tak lochko njehraješe. ­Jónu mějachu samo zbožo jako bul na žerdź prasny.

wozjewjene w: Sport
Prošu přizjewće so, chceće-li komentar podać

Serbska debata

nowostki LND