W Kamjencu lětsa zaso Boršć

štwórtk, 18. awgusta 2022
artikl hódnoćić
(0 )
K wupyšenju nutřkowneho města a Kamjenskeje radnicy za Boršć su pilni pomocnicy wčera mjez druhim w stanje na torhošću wot dopołdnja hač do pózdnjeho wječora tradicionalnu wulku swjedźensku girlandu nawili.  Foto: Henriette Braun K wupyšenju nutřkowneho města a Kamjenskeje radnicy za Boršć su pilni pomocnicy wčera mjez druhim w stanje na torhošću wot dopołdnja hač do pózdnjeho wječora tradicionalnu wulku swjedźensku girlandu nawili. Foto: Henriette Braun

Po dwulětnej přestawce w Lessingowym měsće znowa swjeća

Kamjenc (SN/JaW/SŽu). Wot jutřišeho pjatka knježi w Kamjencu zaso wuwzaćny staw. To wšak njezadźiwa, swjeća dźě tam po dwulětnej přestawce koronapandemije dla hač do 25. awgusta šulski a domizniski swjedźeń – Kamjensku Boršć.

Zazběh swjedźenskeho tydźenja twori zhromadny koncert Kamjenskeho dujerskeho orchestra ze serbskej dujerskej kapału Horjany a chórom Lessingoweho města Kamjenc jutře, pjatk, w 19.30 hodź. na torhošću, kaž město Kamjenc a organizatorojo w nowinskej zdźělence informuja. Najwažniše na Kamjenskej Boršći wšak su swjedźenske ćahi po nutřkownym měsće, kotrež lětsa znowa budu. Wjac hač tysac běłu drastu woblečene šulske dźěći poćahnu póndźelu a štwórtk z kwětkowej pychu a chorhojemi po měsće. Swjedźenske ćahi zahaja na šulskim naměsće – póndźelu, 22. awgusta, w 13 hodź. a štwórtk, 25. awgusta, poł hodźiny pozdźišo.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND