HZ Sokoł Ralbicy/Hórki II/­SJ Njebjelčicy II – HZ Wulka Dubrawa II/Radwor II 3:1 (3:0)

Zestawa Ralbicy/Njebjelčicy: Wićaz – Kral (69. D. Schaaf), A. Schaaf (13. Zimmermann, 56. Rösiger), Mjechela, Hrjehor, Kobalc, Kunze, Bejmak, Kurjat, Jakubaš, Kocor

Zestawa Wulka Dubrawa/Radwor: Kraus – Kliemann, Puppe (36. Wjacławk), Hettasch (73. Wróbl), Jurenc, Krječmar, Mička, Wowčer, Hamdi, Wuitz (46. Dej), Bens

Swoju premjeru je nowowutworjene hrajne zjednoćenstwo Ralbicy/Njebjelčicy wuspěšnje zmištrowało a w serbskim derbyju hrajne zjednoćenstwo Wulku Dubrawu/Radwor z 3:1 porazyło. To zaležeše wosebje na dobrym prěnim połčasu.

Trenar Beno Šram, kotryž bě dotal Njebjelčansku rezerwu trenował, je nětko za hrajne zjednoćenstwo zamołwity. Jemu poboku bě za prěnju hru Ralbičan Maik Brězan, zo by so mustwo dosć derje nastajiło. W předpolu winowatostneje hry njeje cyłk mjenujcy hromadźe hrać a testować móhł. Přihotowansku hru nowe mustwo njeměješe, tak běše prěnja hra kaž skok do zymneje wody.