Nowemu Njebjelčanskemu wjesnjanosće hlada tójšto dźěła do rukow

Njebjelčicy (JK/SN). Nowy Njebjelčanski wjesnjanosta André Bulank (njestronjan) přimaše so wot započatka wčerawšeho posedźenja tamnišeje gmejnskeje rady gratu a rjekny mjez druhim, zo je jara napjaty. Po spřisahanju, kotrež dwurěčnje wupraji, wěnowaše so zaměrnje a přeswědčiwje swojim zarjadniskim nadawkam. A tych budźe w přichodnym času jara wjele, kaž so po jeho informacijach radźićelam wukopa.