Zhromadnje pućowali a swjećili

póndźela, 05. septembera 2022
artikl hódnoćić
(1 )
Něhdźe 70 ludźi je minjenu sobotu na dworowy swjedźeń do Hrubjelčic přichwatało. Dźěl z nich bě do toho wotud do Dobruše pućowało.  Foto: Jürgen Maćij Něhdźe 70 ludźi je minjenu sobotu na dworowy swjedźeń do Hrubjelčic přichwatało. Dźěl z nich bě do toho wotud do Dobruše pućowało. Foto: Jürgen Maćij

Hrubjelčicy (MBa/SN). Při najrjeńšim babylěćnym wjedrje wotmě so minjenu sobotu druhi raz dworowy swjedźeń na Jaworkec/Maćijec statoku w Hrubjelčicach. Po rjanej tradiciji poda so k zazběhej skupina staršich z dźěćimi na pućowanje, kotrež wjedźeše na hrodźišćo pola Dobruše. Po nawróće do Dobruše sćěhowaše ekumeniska nutrnosć, kotruž swjeće­štaj tachantski dekan Wito Sćapan z Budyšina a serbski superintendent Krystof Rummel z Hodźija. Nutrnosći přizamkny so zhromadny wječor, kotryž wobrubi na zabawne wašnje dujerska kapała Horjany. Repertoire mjez klasikarjemi a modernišimi titulemi njewabješe hosći jenož do čumpanja, ale samo do rejwanja. Něhdźe 70 wopytowarjow wšěch generacijow da sej serbske a mjezynarodne štučki lubić. Dźěći mějachu po pućowanju wabjace móžnosće so na statoku zabawjeć, wosebje suwadło z piwowym kašćikom wopokaza so jako atrakcija.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND