Pomhać, hdźež budźe trěbne

pjatk, 09. septembera 2022
artikl hódnoćić
(0 )

Gmejnska rada chce towarstwa dale spěchować, ale zaměrnišo

Njebjelčicy (JK/SN). Towarstwa Njebjelčanskeje gmejny su dale aktiwne a jich zarjadowanja su dopokaz za to, zo so wobydlerjo tež wo čiłe sportowe a kulturne žiwjenje w gmejnje staraja.

Pěskečanske towarstwo je lětsa spominało na 40. róčnicu swojeho załoženja a chcyše jubilej z wosebitym sportowym podawkom woswjećić. Za organizowanje a přewjedźenje zarjadowanja je wone gmejnu wo podpěru prosyło. Tutu hač do dźensnišeho hišće dóstali njejsu. Gmejnska rada drje je hižo wo tym w juliju wuradźowała, ale ničo rozsudźiła. Njejasne mjez radźićelemi a tehdyšim wjesnjanostu Tomašom Čornakom bě, na kotre wašnje móhli Pěskečanow podpěrać a wo kelko spěchowanskich srědkow so jedna. Wustawki k towarstwam drje wobsahuja rjadowanje nastupajo podpěru cyłkam, wosebje k jubilejam, ale jenož k hižo zwučenym kaž 25. abo 50. róčnicy. Tajke nimorjadne kaž 40. róčnica njejsu we wustawkach předwidźane, znajmjeńša nic, štož nastupa podpěru. Tohodla njemóžachu so radźićeljo dojednać na wobjim podpěry za sportowcow w Pěskecach.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND