Choćebuz (SN/at). Choćebuženjo mějachu wčera mjez kandidatku a šěsć kandidatami za noweho wyšeho měšćanostu resp. wyšu měšćanostku wuzwolić. Po předležacym nachwilnym wólbnym wuslědku budu 9. oktobra rozsudne wólby mjez požadarjom SPD Tobiasom Schickom, kotryž bě 31,8 procentow hłosow docpěł, a Larsom Schiesku wot AfD, kotremuž su 26,4 procenty wolerjow dowěrili. Rozdźěl hłosow mjez woběmaj bě wčera 2 236 hłosow.
Wot dalšich požadarjow docpěchu Thomas Bergner (CDU) 24,7 procentow, Sven Benken (Unser Cottbus) 6,0 procentow, Felix Sicker (FDP) 5,6 procentow, jenička kandidatka Lysann Kobbe (dieBasis) 3,8 procentow a kandidat-jednotliwc Johann Staudinger 1,7 procentow.
