Wobydlerjam bliže a wjace prezency w přestrjeni

póndźela, 12. septembera 2022
artikl hódnoćić
(0 )
Woni wjesela so na dźěło w nowym wobydlerskim běrowje wokrjesa Zhorjelc w  Běłej Wodźe: Daniela Aust, wotrjadnik Mike Rummler, teamowa nawodnica Christin Kröcher a Sophie Miser (wotlěwa).  Foto: Andreas Kirschke Woni wjesela so na dźěło w nowym wobydlerskim běrowje wokrjesa Zhorjelc w Běłej Wodźe: Daniela Aust, wotrjadnik Mike Rummler, teamowa nawodnica Christin Kröcher a Sophie Miser (wotlěwa). Foto: Andreas Kirschke

Wokrjes Zhorjelc chce z efektiwnym, wobydlerjam bliskim zarjadnistwom w přestrjeni sylnišo zastupjeny być. To je nowy krajny rada Stephan Meyer (CDU) při wotewrjenju wobydlerskeho běrowa w Běłej Wodźe podšmórnył.

Běła Woda (AK/SN). Nowy wobydlerski běrow je wot minjeneje wutory bjezbarjernje w pódlanskim wobłuku w přizemi tamnišeje radnicy přistupny. Dotal tam zaměstnjeny archiwowy wobłuk su do prěnjeho poschoda přepołožili. Po Lubiju, hdźež su tajke zarjadnišćo w septembrje 2020 wotewrěli, je Běłowodźanske druhe wot dohromady pjeć planowanych stejnišćow wokrjesa a wobstatk modernizowanskeho programa „wokrjes 4.0“. „To je naprawa we wobłuku strukturneje změny“, rozłoži Thomas Gampe, komornik a 1. přirjadnik krajneho rady. Za twarsku naprawu su 1,1 milion eurow nałožili, z čehož bě 90 procentow ze zakonja wo skrućenju strukturow Zwjazka, wokrjes je dźesać procentow přinošował.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND