Miłoraz w přichodźe bjez busa

póndźela, 19. septembera 2022
artikl hódnoćić
(0 )
Čakarnje na busowych zastanišćach su sej w Slepjanskim regionje chětro podobne. Někotre změja dóńt, zo tam w přichodźe hižo nichtó na bus čakać njebudźe. Tak wot 1. januara 2023 w Milorazu.  Foto: Constanze Knappe Čakarnje na busowych zastanišćach su sej w Slepjanskim regionje chětro podobne. Někotre změja dóńt, zo tam w přichodźe hižo nichtó na bus čakać njebudźe. Tak wot 1. januara 2023 w Milorazu. Foto: Constanze Knappe

Zhorjelski wokrjes swoje busowe linije znowa rjaduje. Po wulkich protestach staršich a komunow maja so plany ­znowa wobhladować a potom hakle ­ke kóncej lěta přesadźić.

Trjebin (CK/SN). W Miłorazu nima wot januara 2023 bus hižo zastać. Swójby su wotpowědne pismo ze Zhorjelskeho krajnoradneho zarjada dóstali. Z nim chce zarjadnistwo potrjebu zwěsćić, zo móhła za druhim rozrisanjom pytać. To je tež zaměr Trjebinskeho wjesnjanosty Waldemara Locke (CDU). Pozadk je, zo wokrjes taktowy system busow w zjawnym dalokowobchadźe znowa rjaduje a z tym tež zwjazane přestajenje na nowe časy a wodźenje linijow. Změny mějachu hižo z tymle šulskim lětom płaćić. Masiwne protesty staršich a komunow pak su tomu zadźěwali a zawjedźenje noweho jězbneho plana na 1. januar 2023 ­přesunyli. Nětko bu pola krajneho zarjada za twar dróhow a wobchad dalše słyšenje postajene.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND