Wuznaće z nohami teptane poručenje

pjatk, 04. nowembera 2022
artikl hódnoćić
(0 )
Na dróze mjez Kulowom a Salowom su njeznaći skućićeljo w nocy wot 21. na 22. winowc najprjedy zornowcowy podtwar modlerskeho stołpa powalili a na to křiž z lateho železa wotdźělili a rozrězali. Wulke dźěle křiža wšak su skućićeljo njekedźbnje we wokolinje ležo wostajili.  Foto: Lausitzer Rundschau/Catrin Würz Na dróze mjez Kulowom a Salowom su njeznaći skućićeljo w nocy wot 21. na 22. winowc najprjedy zornowcowy podtwar modlerskeho stołpa powalili a na to křiž z lateho železa wotdźělili a rozrězali. Wulke dźěle křiža wšak su skućićeljo njekedźbnje we wokolinje ležo wostajili. Foto: Lausitzer Rundschau/Catrin Würz

Štyri modlerske stołpy w Kulowskej wosadźe wonječesćene

Kulow (AK/SN). Za nadběh na žiwu křesćansku wěru maja potrjecheni wonječesćenje štyrjoch modlerskich stołpow blisko Salowa a delnich Sulšec. „Što ludźi k tomu pohnuwa – wotpohladnje – swójstwo cuzych zničić, za to słowa nimam. Wospjetne zničenje swjatych křižow, a to w tajkim rozměru, je drama“, měni ­Gabriš Nawka, farar Kulowskeje wosady Swj. Marije donjebjeswzaća, z widom na bywše tajke njelubozne podawki.

Měšćanski radźićel Georg Szczepanski (CDU) ze Salowa, wot lěta 2011 zastupowacy měšćanosta Kulowa, je na minjenym posedźenju měšćanskeje rady wo zničenjach informował. Wone stachu so w nocy wot 21. na 22. winowc. „Jako radźićel sym wozjewjenje přećiwo njeznatym zapodał. Policija přepytuje“, rjekny wón.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND