Po přestawce zaso Wjacławske wiki

pjatk, 18. nowembera 2022
artikl hódnoćić
(0 )
Nic jenož hodowny štom na Budyskim Hłownym torhošću hižo steji, tež hasy su minjene dny adwentnje wupyšili.  Foto: SN/Hanka Šěnec Nic jenož hodowny štom na Budyskim Hłownym torhošću hižo steji, tež hasy su minjene dny adwentnje wupyšili. Foto: SN/Hanka Šěnec

Budyšin (SN/MWj). Dwójce za sobu dyrbjachu Budyske Wjacławske wiki korony dla wotprajić. Nětko móža so wone zaso wotměć, a to 639. raz. Wot 25. nowembra hač do 22. decembra poskićuje 80 wikowarjow swoje twory na Hłownym torhošću, Bohatej a na Žitnych wikach, zdźělichu Budyski wyši měšćanosta Karsten Vogt (CDU) a jeho sobudźěłaćerjo wčera nowinarjam. Wotewrjene budu wiki wot njedźele do štwórtka wot 11 do 20 hodź., pjatk a sobotu wot 11 do 21 hodź.

Wotewrěć budźe Vogt wiki dźensa za tydźeń w 17 hodź. z wokna sukelnicy, při čimž ma tež wulka hwězda na žerdźach wěstu rólu hrać. Nazajtra budźe takrjec serbski dźeń hodownych wikow. Wot 14.30 hodź. Wojerowske dźěćatko na Hłownym torhošću ludźom dariki rozdźěli a jich pomajka. W 15.30 hodź. přizamknje so před radnicu koncert chóra Budyšin z hodownym programom.

wozjewjene w: Lokalka
Prošu přizjewće so, chceće-li komentar podać

słowo lěta 2022

nawěšk

nowostki LND