Bydlenski blok wobšěrnje ponowili

pjatk, 18. nowembera 2022
artikl hódnoćić
(0 )
Steffen Markgraf a Christian Frank (wotlěwa) před blokom, kotryž su saněrowali.  Foto: Andreas Kirschke Steffen Markgraf a Christian Frank (wotlěwa) před blokom, kotryž su saněrowali. Foto: Andreas Kirschke

Wojerecy (AK/SN). Po poł lěće twarskeho časa je Wojerowska bydlenjotwarska towaršnosć bydlenski blok čo. 69 do 75 na Budyskej aleji dosaněrowała. Dohromady jedna so wo 32 bydlenjow z třomi abo štyrjomi stwami. Mnozy z podružnikow bydla tam hižo dlěje hač 20 lět. Bydlenjotwarska towaršnosć je 525 000 eurow inwestowała a sumu dospołnje ze swójskich srědkow zapłaćiła.

Bydlenski blok na Budyskej aleji nasta w 1960tych lětach. Tuž běchu nětko někotre twarske naprawy trěbne. Na swislach přitwarichu wosom balkonow. Tepjenje přestajichu wot płuna na milinu. „Wobšěrne dźěła wopřijachu dale nowe městno za milinowe časniki w pincy, rozdźělowanske kašćiki a dalše techniske připrawy“, praji Christian Frank z bydlenjotwarskeho předewzaća. „Dale smy tójšto metrow kablow z pincy hač do jednotliwych bydlenjow kładli.“

wozjewjene w: Lokalka
Prošu přizjewće so, chceće-li komentar podać

słowo lěta 2022

nawěšk

nowostki LND