Nošne struktury za wěsty přichod chorownjow tworić

wutora, 27. decembera 2022
artikl hódnoćić
(0 )

Zhorjelski wokrjesny sejmik je zasadny rozsud za zachowanje stejnišćow chorownjow w Žitawje, Habrachćicach a Běłej Wodźe wobzamknył.

Zhorjelc (AK/SN). W Zhorjelskim wokrjesu chcedźa stejnišća chorownjow w Žitawje, Habrachćicach a Běłej Wodźe dołhodobnje zachować. Wone maja dóstać nošne struktury za přichod. To podšmórny wokrjesny sejmik njedawno ze zasadnym rozsudom. Žitawa ma być stacionarny centrum klinikuma Hornjołužiski hórski kraj ptzwr. W Habrachćicach budźe ambulantny centrum, a zdobom nuzowe zastaranje sobu zawěsća. Běłowodźanska klinika ma so z integrowanym strowotniskim centrumom stać. To wuchadźa z nowowusměrjenja stejnišćow. Krajny rada dr. Stephan Meyer (CDU) ma kóžde štwórć lěta wokrjesnemu sejmikej wo wěcnym stawje zwoprawdźenja rozprawjeć. Komuny Žitawu, Habrachćicy a Běłu Wodu do procesa přestrukturowanja intensiwnje sobu zapřijeja. Wokrjesny sejmik je předłoze ze 46 hłosami přihłosował, 20 běchu přećiwo tomu a pjećo so hłosa wzdachu.

wozjewjene w: Lokalka
Prošu přizjewće so, chceće-li komentar podać

słowo lěta 2022

nawěšk

nowostki LND