Kulow fotowoltaiku planuje

srjeda, 28. decembera 2022
artikl hódnoćić
(0 )
Dotal je Kulowski měšćanski zawod za wopłóčki derje hospodarił. Tuchwilu pak je połoženje hižo komplikowaniše.  Foto: Feliks Haza Dotal je Kulowski měšćanski zawod za wopłóčki derje hospodarił. Tuchwilu pak je połoženje hižo komplikowaniše. Foto: Feliks Haza

Hospodarski plan za wopłóčkowy zawod wobzamknyli

Kulow (AK/SN). Ze zašłosću a z přichodom Kulowskeho wopłóčkoweho zawoda su so čłonojo tamnišeje měšćanskeje rady na swojim zašłym posedźenju zaběrali. Woni wotličichu hospodarske lěto 2021. Runje tak wuwjazachu radźićeljo tehdyšeho nawodu wopłóčkoweho zawoda Jurja Brösana. Wot lětušeho je Frank Kral nowy nawoda komunalneho zawoda. „W lěće 2021 smy lěpje hospodarili hač planowane“, rozłoži komornik Mathias Kockert. Při planowanju ličachu z dobytkom 117 000 eurow. Pod smužku pak steješe kónc lěta wuslědk 176 000 eurow. Při dwójnym pruwowanju njejsu žane njedostatki zwěsćili. Za swójski zawod města bě 2021 normalne lěto bjez wulkich wosebitosćow. Mjez druhim su 300 000 eurow dołha wotpłaćili. Wobšěrne kredity, kotrež dyrbjachu něhdy za natwar wodočisćernje na kromje města kaž tež za kładźenje kanaloweje syće brać, budu hač do kónca lěta 2028 dospołnje wotpłaćene, Mathias Kockert připowědźi.

wozjewjene w: Lokalka
Prošu přizjewće so, chceće-li komentar podać

słowo lěta 2022

nawěšk

nowostki LND