Do Miłoraza bus dale pojědźe

štwórtk, 12. januara 2023
artikl hódnoćić
(0 )

Gmejna Trjebin, LEAG a Zhorjelski wokrjes su sej přezjedni

Trjebin (AK/SN). Wot přesydlenja potrjecheny Miłoraz wostanje dale ze zjawnym bliskowobchadom za šulerski transport do Slepoho a wróćo zwjazany. K tomu wuzna so wčera Trjebinska gmejnska rada. Dwě předłoze radźićeljo jednohłósnje wobzamknychu. W prěnim rozsudźe přihłosowachu zrěčenju Trjebinskeje gmejny z energijowym koncernom LEAG wo financowanju čary 79 Slepo-Miłoraz-Slepo. LEAG přewozmje swójski podźěl gmejny. Druhe wobzamknjenje wopřijima zrěčenje Trjebinskeje gmejny ze Zhorjelskim wokrjesom wo podźělnym financowanju samsneje busoweje čary. Je to zasadne wuznaće, zo ma so šulerski wobchad mjez Miłorazom a Slepom dale wjesć.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND