Budyšin (CS/SN). We wobłuku turnusowych přepruwowanjow su twarscy fachowcy zwěsćili, zo su na Budyskej Šulerskej wěži saněrowanske dźěła trěbne, zo by wona dale wěsta była. Kaž na posedźenju twarskeho wuběrka měšćanskeje rady předwčerawšim zdźělichu, su mjez druhim ćěsliske dźěła trěbne. Tohodla je zarjadnistwo pjeć firmam twarske podłožki připósłało a na to dwaj poskitkaj dóstało. Rozsudźili su so na kóncu za ćěsliski zawod z Porchowa. Dźěła we wob­jimje 80 000 eurow maja so w februaru zahajić. W lěću so dalše dźěła na fasadźe přizamknu.