Prěni swójski mechaniski časnik

wutora, 31. januara 2023
artikl hódnoćić
(0 )
Časnikarjej Lukas Pöhlmann a Józef Brězan (wotlěwa) z Drježdźan prezentowaštaj dźensa swójski ručnje zhotowjeny nowy časnik JUNGE Prestige. Foto: Liza Hjehorjec Časnikarjej Lukas Pöhlmann a Józef Brězan (wotlěwa) z Drježdźan prezentowaštaj dźensa swójski ručnje zhotowjeny nowy časnik JUNGE Prestige. Foto: Liza Hjehorjec

Drježdźany (LH/SN). W zašłych lětach stupaše zajim na wikach luksurioznych časnikow razantnje. Časnik njeje při tym jenož trěbny accessoire wšědneho dnja. Přeco wjac ludźi inwestuje do časnikow jako pjenježny zapołožk. Tutón zjaw ­wužištaj tež Józef Brězan ze Smječkec a Lukas Pöhlmann z Drježdźan. Časnikarjej spjelništaj sej wulki són swójskeho časnika.

Wobaj buštaj w sakskim měsće Glashütte na časnikarja wukubłanaj. Po tym, zo dźěłaštaj tójšto lět w branši luksusowych časnikow, rozsudźištaj so w decembrje 2021 załožić časnikarsku manufakturu JUNGE. Swójsku mału dźěłarnju wutwarištaj sej w měšćanskim dźělu ­Gostritz w Drježdźanach.

Po dołhej kreatiwnej fazy konstruowanja a twarjenja prezentowaštaj zahoritaj časnikarjej dźensa na socialnej syći Instagram prěni swójski mechaniski časnik JUNGE Prestige.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND