Powabk wšěm podružnikam poručenje

štwórtk, 02. februara 2023
artikl hódnoćić
(0 )
Steffen Markgraf, jednaćel bydlenskeje towaršnosće Wojerecy (WBG), pokaza składnostnje lětneje nowinarskeje konferency WBG wšelake domy we wobsydstwje měšćanskeho zawoda. K tomu słušeja tež parkowanišća za 1 500 awtow, 193 garažow a někotre zelenišća kaž „centralny park“, „park skulpturow“ a „park Hadama a Jěwy“. Foto: Andreas Kirschke Steffen Markgraf, jednaćel bydlenskeje towaršnosće Wojerecy (WBG), pokaza składnostnje lětneje nowinarskeje konferency WBG wšelake domy we wobsydstwje měšćanskeho zawoda. K tomu słušeja tež parkowanišća za 1 500 awtow, 193 garažow a někotre zelenišća kaž „centralny park“, „park skulpturow“ a „park Hadama a Jěwy“. Foto: Andreas Kirschke

Wojerecy: „Bydlenski park Łužiska jězorina“ kompletnje přenajaty

Wojerecy (SN/AK/mb). Přemało bydlenjow w městach Němskeje za přihódnu podruž – z tutej problematiku so politika lěto a bóle bědźi. We Wojerecach je ličba ludnosće w běhu štyrceći lět wot 71 000 (1981) na 31 000 spadowała a mamy cyle hinašu situaciju – tohodla su wot časa po přewróće hač do dźensnišeho wulke domy a samo cyłe štwórće spotorhali. Najebać to je přeco hišće dosć prózdnych bydlenjow a poprawom powabnych poskitkow na internetnej stronje Wojerowskeje bydlenskeje towaršnosće (WBG). Na přikład pod hesłom „městno za cyłu swójbu“ kompletnje modernizowane bydlenje ze štyrjomi stwami a balkonom w centrumje města za pjeć eurow (bjez pódlanskich kóštow) na kwadratny meter. Třećina Wojerowskeje ludnosće bydli w domach měšćanskeje bydlenskeje towaršnosće. Tež pola druheho wulkeho poskićowarja bydlenjow, drustwa „rumy žiwjenja“, je we Wojerecach a wokolinach dosć prózdnych bydlenjow za přihódnu podruž k dispoziciji.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND