Film wo zornowcu tež w serbšćinje

štwórtk, 02. februara 2023
artikl hódnoćić
(0 )
1992 bě skała w Zemicach-Tumicach najwjetša jama za wudobywanje zornowca Němskeje. Wušły film pokaza nětko jeje stawizny.  Foto: dpa/Thomas Lehmann 1992 bě skała w Zemicach-Tumicach najwjetša jama za wudobywanje zornowca Němskeje. Wušły film pokaza nětko jeje stawizny. Foto: dpa/Thomas Lehmann

Budyšin (SN). Zemicy-Tumicy su přez mjezy Němskeje sławne za swoju tradiciju wudobywanja zornowca, wšako bě zornowc hižo w srjedźowěku požadana twaršćizna. W lěće 1845 pak dósta wón móhłrjec přez nóc nowu dimensiju: Za železnisku čaru Biskopicy–Budyšin mě­ješe so 222 metrow dołhi a 17 metrow wysoki móst twarić. Blisko twarnišća załožichu tuž skału, hdźež hoberske mnóstwo kamjeni pačachu. 700 ludźi tu sčasami dźěłaše. Za połdra lěta bě impozantny móst, kaž jón dźensa znajemy, dotwarjeny.

Tehdy w Zemicach a Tumicach hišće Serbja bydlachu. Wučer a horliwy čłon Maćicy Serbskeje Jan Bohuwěr Mučink, kotryž bě 1845 šulu w Zemicach załožił, dźěći tež serbsce wučeše. Z nawalom ­cuzych dźěłaćerjow pak so kónčina doskónčnje přeněmči. Mučinka a jeho mnohostronski angažement – wón bě tež přirodowědnik, publicist a spisowaćel – sej w Zemicach dźensa hišće waža. Su dróhu we wsy po nim pomjenowali, a jeho row na pohrjebnišću gmejna swěru hlada.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND