Južny pobrjóh k jutram přistupny

wutora, 14. měrca 2023
artikl hódnoćić
(0 )
Na wosebitej testowej přestrjeni při Slěbornym jězorje wuspytuje LMBV tuchwilu wšelake metody zhusćenja dna. Foto: Gernot Menzel Na wosebitej testowej přestrjeni při Slěbornym jězorje wuspytuje LMBV tuchwilu wšelake metody zhusćenja dna. Foto: Gernot Menzel

Łužiska a srjedźoněmska towaršnosć hórnistwoweho zarjadnistwa (LMBV) přilubi na posedźenju gmejnskeje rady we Łazu: Lětuša turistiska sezona ­na južnym pobrjohu Slěborneho jězora je móžna.

Łaz (AK/SN). Karsten Handro, wotrjadnik projektoweho managementa wuchodna Sakska a Marko Walter, projektowy manager LMBV, informowaštaj zhromadnje na poslednim posedźenju gmejnskeje ­rady spočatk měrca we Łazu wo postupach saněrowanskich dźěłow kołowo­koło Slěborneho jězora. Wonaj zdźělištaj, zo wostanje po planach zhusćenje při­brjohow a spódka wot lětušeho oktobra hač do apryla 2025 hłowny dźěłowy nadawk LMBV. „Konkretnje rěka to: Za sezonu 2024 na južnym přibrjohu jězora ku­panje hišće móžne njebudźe. Za tu­ristisku sezonu 2025 pak chcemy jón do­społnje saněrowany přepodać,“ wuwjedźe Karsten Handro. Po naprašowanju Falka Nowotnika – wobhospodarja Łazowskeho campingoweho parka –, hač změja turisća lětsa hišće generelny přistup k tutomu přibrjohej, zdźěli Marko Walter: „LMBV planuje, do 6. apryla za­raćenski płót při južnym brjoze Slěborneho jězora wróćo twarić.“

wozjewjene w: Łužica
Prošu přizjewće so, chceće-li komentar podać

nowostki LND