Dopominatej na stawizny wsy

wutora, 21. měrca 2023
artikl hódnoćić
(0 )
Wopomnišćo z loru a signalnym kamjenjom su minjeny pjatk we Łazu k dopomnjeću na hórnistwowe stawizny wsy wotkryli.  Foto: Andreas Kirschke Wopomnišćo z loru a signalnym kamjenjom su minjeny pjatk we Łazu k dopomnjeću na hórnistwowe stawizny wsy wotkryli. Foto: Andreas Kirschke

Srjedźišćo Łaza je wot minjeneho pjatka wo zajimawosć bohatše

Łaz (AK/SN). Lora a signalny kamjeń dopominatej nětko při parkowanišću blisko Łazowskeje radnicy na tamniše hórnistwowe stawizny. Eksponataj stej trajnej požčonce Frenzelec swójby. Gmejna smědźeše jej loni přewzać. Wotewrjeny wóz jamoweje železnicy dopomina na sobudźěłaćerjow hórnistwa kaž tež na wo­bydlerjow, kotřiž su w Radsku, Šiboju, zdźěla w Lipinach a w druhich wotbagrowanych wsach swoju domiznu zhubili. Lora kaž tež kamjeń pochadźatej z bywšeje brunicoweje jamy Werminghoff 1. Dźakowano wulkomyslnej podpěrje Wojerowskeje firmy R&S móžachu woboje wurjedźić, restawrować, wobarbić a nastajić.

Łazowska wjesna rada je předewzaću přihłosowała. Podpěrałoj staj projekt bywši Łazowski gmejnski radźićel Dietmar Kugel a Wojerowski měšćanski radźićel Frank Hirche.

wozjewjene w: Łužica
Prošu přizjewće so, chceće-li komentar podać

nawěšk

nowostki LND