Sprjewine město hotuje so na jutry

pjatk, 24. měrca 2023
artikl hódnoćić
(0 )
Heiko Harig jako Jejkacy Handrij pokaza na Budyskich Mjasowych wikach lětak z jutrownym programom w sprjewinym měsće. Tule wočakuja jutry zaso tysacy wopytowarjow. Foto: Carmen Schumann Heiko Harig jako Jejkacy Handrij pokaza na Budyskich Mjasowych wikach lětak z jutrownym programom w sprjewinym měsće. Tule wočakuja jutry zaso tysacy wopytowarjow. Foto: Carmen Schumann

Budyšin (CS/SN). Dźakowano rjanemu wjedru je loni něhdźe 40 000 ludźi jutry do Budyšina přijěło. Tajkeje rekordneje ličby nadźijeja so akterojo z nutřkoměšćanskeho a turistiskeho towarstwa tež lětsa. Wězo přićahuja wosebje křižerjo a jejkakulenje na Hrodźišku turistow do sprjewineho města. Wobě towarstwje pak so wo to prócujetej, zo njebychu ­turisća hnydom zaso domoj jěli, ale dlěje wostali, kaž zamołwići wčera na nowinarskej rozmołwje zdźělichu.

Tohodla organizuja wjacore jutrowne wiki na Hłownym torhošću, w rozwalinje Mnišeje cyrkwje, při Hamorskim młynje a za čas jejkakulenja na Hrodźišku. Tam Heiko Harig jako Jejkacy Handrij dźěći k jejkakulenju přeprošuje. Hnydom pódla na jewišću předstajitej Serbski ludowy ansambl a Němsko-Serbske ludowe dźiwadło kulturny program. Na jewišću ­pokazaja nimo toho krótke filmy, w kotrychž turistam rjanosće města před­staja.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND