Zarjadniski zwjazk za digitalny projekt zwólniwy

pjatk, 24. měrca 2023
artikl hódnoćić
(1 )
Šćežka Ćišinskeho mjez Pančicami-Kukowom a Wotrowom je rjany přikład, kak hodźi so digitalny projekt zwoprawdźić.  Foto: Marian Wjeńka Šćežka Ćišinskeho mjez Pančicami-Kukowom a Wotrowom je rjany přikład, kak hodźi so digitalny projekt zwoprawdźić. Foto: Marian Wjeńka

Pančicy-Kukow (SN/MWj). Njejapki poskitk spěchowanskich srědkow je zarjadniski zwjazk Při Klóšterskej wodźe wot klóštra Marijina hwězda dóstał. Wo tym informowaše předsyda zarjadniskeho zwjazka Stefan Anders minjenu wutoru zastupjerjow pjeć přisłušacych gmejnow. Pozadk je, zo je so klóšter wo spěchowanje digitalneho pućnika a informaciskeho systema prócował a za to 200 000 eurow přizwolene dóstał. Spočatnje planowany bě multimedialny přewodnik po klóštrje a wo jeho kulturnostawizniskich žadnostkach. Mjeztym so tam tajkeho projekta wzdadźa. Zo pak njebychu so pjenjezy zhubili, je so konwent w zarjadniskim zwjazku naprašował, hač nochcył tón takrjec zaskočić a pjenjezy za podobny turistiski projekt wužić.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND