„Knjejstwo smjerće“ wotbyć

štwórtk, 06. apryla 2023
artikl hódnoćić
(0 )

Přihot na swjedźeń zrowastanjenja w katolskich a ewangelskich Serbach

Budyšin (SN/mb). Najwjac nowačkow na křižerskich procesionach wočakuja lětsa w Ralbicach, hdźež je so 14 hólcow prěni raz na čestny nadawk jako křižer přihotowało. To je wuslědk naprašowanja Serbskich Nowin pola kantorow wšěch dźewjeć procesionow jutrońčku w katolskich Serbach (čitajće dale na str. 4).

Zhorjelski biskop Wolfgang Ipolt skedźbni w swojim „słowje k jutram“ na přewažnje katolskich a prawosławnych wojakow-křesćanow, kotřiž so w Ukrainje mjez sobu zabiwaja. Nawjazujo na wuprajenje něhdyšeho bamža Benedikta XVI. praji: „Jutry je so njepředstajomne stało: Lubosć Boža je so předrěła do knjejstwa smjerće“, tohodla móžemy a dyrbimy runje hladajo na wójnu „při durjach Europy 21. lětstotka“ jutry swjećić.

Po „wocuzbnjenju korona-pandemije dla“ namołwja biskop Ewangelsko-lutherskeje krajneje cyrkwje Sakskeje Tobias Bilz, „přiležnosće za zhromadnosć zaso intensiwnišo pytać a nowe zwiski tworić. “

wozjewjene w: Łužica
Prošu přizjewće so, chceće-li komentar podać

Serbska debata

nowostki LND