Nowa nadźija za chěžkarjow poručenje

pjatk, 19. meje 2023
artikl hódnoćić
(0 )

Po aferach w ministerstwje steji zwadny zakoń za tepjenje na hračkach

Berlin/Budyšin (SN/mb). Wjele chěžkarjow tež we Łužicy so planowaneho zakaza noweho tepjenja z płunom abo wolijom wot klětušeho boji – woni móža so nětk nadźijeć, zo jako pódlanski efekt dźeń a wótrišeje krizy dokoławokoło zwjazkoweho hospodarskeho ministra Roberta Habecka (Zeleni) wšo hinak poběži. Po wotchadźe jeho statneho sekretara Patricka Graichena, kiž běše pjerowodźacy w zwisku z naćiskom zwadneho zakonja a přesadźenjom ćopłotneje klumpy, je městopředsyda koaliciskeho partnera FDP Wolfgang Kubicki w „Handelsblatće“ připowědźił, zo njemóža hižo z bórzomnym wobzamknjenjom ličić. Łužiski zapósłanc a parlamentariski jednaćel FDP w zwjazkowym sejmje Torsten Herbst je dźensa našemu wječornikej na naprašowanje zdźělił, zo „mamy hišće sto wotewrjenych prašenjow k zakonjej“. Je wočiwidne, zo to, za čož „běše Graichen prěni narěčenski partner“, tak a tak njefunguje.

wozjewjene w: Łužica
Prošu přizjewće so, chceće-li komentar podać

nawěšk

nowostki LND