Rakečanska gmejnska rada hižo wuhibki za klětu stajiła
Rakecy (JK/SN). Za dobre poł hodźiny běchu Rakečanscy gmejnscy radźićeljo srjedu nawječor nimale dźesaćom za gmejnu wažnym wobzamknjenjam přihłosowali. Wjetšina potrjechi twarske naprawy. Radźićeljo přepodachu planowanske nadawki za nowotwar gratownje wohnjoweje wobory w Stróži kaž tež za energetiske saněrowanje Rakečanskeje zakładneje šule.
