Sprjewine město z wjele wopytowarjemi tři dny Budyske nalěćo swjećiło
Budyšin (CS/SN). Něhdźe 50 000 ludźi je kónc tydźenja Budyske nalěćo wopytało. Organizatorojo wokoło Katarzyny Kudzewicz z měšćanskeho zarjadnistwa su wobšěrny a mnohostronski program na nohi stajili. Na jewišćach na Žitnych wikach, na Hłownym torhošću a na Mjasowych wikach je dohromady 600 wuměłcow programy wuhotowało. Wosebje bohaće zastupjena bě dujerska hudźba.
