Běrow nětko za zajimcow přistupny

wutora, 27. junija 2023
artikl hódnoćić
(0 )
Za Radworskim hosćencom „Meja“ je staršiska iniciatiwa běrow campusa EksperiMINT minjeny pjatk oficialnje wotewrěła.  Foto: Bosćij Handrik Za Radworskim hosćencom „Meja“ je staršiska iniciatiwa běrow campusa EksperiMINT minjeny pjatk oficialnje wotewrěła. Foto: Bosćij Handrik

Radwor (SN/BŠe). Radworski campus EksperiMINT w nošerstwje tamnišeje staršiskeje iniciatiwy je zańdźeny pjatk oficialnje swój běrow wotewrěł. Radworski wosadny farar Beno Jakubaš je rumnosće nimo toho poswjećił. W twarjenju za hosćencom „Meja“ je nětko zarjadnišćo z najwšelakorišimi poskitkami za dźěći přihotowane. Hač šijawy, robotery, nastroje za grawury atd. wšitko je w rumnosćach zarjadowane. Tež projektowa sobudźěłaćerka Diana Mejnowa je na městnje. Na nju smědźa so zajimcy rady wobroćić.

„Chcemy dźěćom zwonka šule rěčne rumy poskićeć, hdźež móža serbšćinu nałožować“, wuzběhny čłon iniciatiwy Wito Bejmak před mnohimi hosćimi, kotrež běchu wćipni na to, štož so za durjemi běrowa chowa. Tak běchu zastupjerjo Domowiny runje tak do Radworja přišli, kaž zastupjerjo gmejny.

wozjewjene w: Łužica
Prošu přizjewće so, chceće-li komentar podać

nowostki LND