Stary hród a barokny park 300 lět

pjatk, 14. julija 2023
artikl hódnoćić
(0 )
We wustajeńcy wo 300lětnych stawiznach Njeswačanskeho hrodu a parka stej mjez druhim widźeć chorhoji prěnjeju wobydlerjow wójwody von Württemberga-Tecka a jeho mandźelskeje wjerchowki Tešina. Foto: Dieter Petschel We wustajeńcy wo 300lětnych stawiznach Njeswačanskeho hrodu a parka stej mjez druhim widźeć chorhoji prěnjeju wobydlerjow wójwody von Württemberga-Tecka a jeho mandźelskeje wjerchowki Tešina. Foto: Dieter Petschel

Domizniski muzej w Njeswačidle swjeći wot njedźele dwójny jubilej. 50. wosebita wustajeńca so w nim wotewrje a wona je 300lětnemu wobstaću tamnišeho Stareho hrodu, barokneho parka a wjacorym dalšim baroknym twarjenjam wěnowana.

Njeswačidło (ML/SN). W lěće 1721 da nowy knježk Njeswačidła wójwoda Friedrich Ludwig von Württemberg-Teck dotal­ny hród potorhać a na samsnym městnje nowy barokny hród w běhu třoch lět natwarić. Knježe sydło měješe za přebywanje w lěću za sebje a za swoju mandźelsku wjerchowku Těšina, bywšu lubku krala Awgusta Sylneho, pólsku hrabinku Lubomirsku, słužić. Nalěto 1723 bu nětčiši Stary hród dotwarjeny. Před nim bu francoska barokns zahroda ze štyrjomi pawiljonami připrawjena a na zapadnej kromje wsy ryćerkubło z piwarnju a hońtwjerskim pawiljonom (nětko młodownja) w baroknym stilu natwarjene.

wozjewjene w: Łužica
Prošu přizjewće so, chceće-li komentar podać

nowostki LND