Podcast bórze na stronje gmejny

póndźela, 24. julija 2023
artikl hódnoćić
(0 )
Tež kubłarka Helena Kralec je so z pomocu rěčneju motiwatorow Luciana Kaulfürsta (wotlěwa) a Juliany Kaulfürstoweje (naprawo) jako moderatorka noweho podcasta wuspytała.  Foto: Hilžbjeta Pöplec Tež kubłarka Helena Kralec je so z pomocu rěčneju motiwatorow Luciana Kaulfürsta (wotlěwa) a Juliany Kaulfürstoweje (naprawo) jako moderatorka noweho podcasta wuspytała. Foto: Hilžbjeta Pöplec

Malešecy (SN). Wopyt muzeja, šiće měškow za pjelnjenje z lěwanćikom kaž tež wopyt dźiwadła – wšo to běchu temy minjeny tydźeń nahrawaneho podcasta rěčneho motiwatora Luciana Kaulfürsta w Přiwćicach. W ramiku prózdninskeho poskitka dojědźe sej dźesać holcow 1. do 4. lětnika Malešanskeho horta pod nawodom kubłarki Heleny Kralec z kolesom k radijowej staciji, kotruž je Lucian Kaulfürst loni zarjadował. Projekt lokalneho rozhłosa słuži spěchowanju serbskeje rěče w Malešanskej wokolinje a informuje wo zajimawych serbskich temach.

Jemu po boku bě rěčna motiwatorka Juliana Kaulfürstowa. Zhromadnje wuhotowaštaj wonaj jako hobby-rozhłosownikaj rjane dopołdnjo za holcy. Dźěći dožiwichu pisanu wotměnu mjez rolomaj moderatorki a technikarki. W serbskej a němskej rěči rozprawjachu wone wo swojich dotalnych prózdninskich dožiwjenjach a nazhonjenjach.

wozjewjene w: Łužica
Prošu přizjewće so, chceće-li komentar podać

nowostki LND