W Hodźiju změja zaso kermušu

wutora, 05. septembera 2023
artikl hódnoćić
(0 )

Hodźij (GeK/SN). Po starej tradiciji swjeći Hodźijska ewangelska wosada druhu njedźelu w septembru kermušu. Hač do 70tych lět zašłeho lětstotka bě tež tu kermuša přiležnosć za zetkanje swójby, ale tež za swjedźeń we wsy. Tule tradiciju chcedźa nětko wožiwić a proša tuž njedźelu, 10. septembra, do Hodźija na kermušu. Ideja přihotowanskeje skupiny je we wosadźe a we wsy dobry wothłós ­našła. Wjele ludźi je zwólniwych, přihot a přewjedźenje kermuše čestnohamtsce podpěrać. Tež Hodźijska gmejna je sobu zapřijata.

wozjewjene w: Łužica
Prošu přizjewće so, chceće-li komentar podać

nowostki LND